miércoles, 20 de junio de 2018

Ensinanzas artísticas ofertadas na Escola Pablo Picasso de A Coruña

EASD Pablo Picasso é un centro público, dependente da Consellería de Educación, no que se imparten ensinanzas artísticas de 2 niveis: 

1.Ensinanzas Artísticas Superiores de Deseño que son titulacións equivalentes a grao universitario (4 anos)
2.Ensinanzas Artísticas Profesionais que son ciclos superiores de 2 anos con prácticas en empresas. 

As especialidades que se poden cursar na Escola son: 
Tamén contamos cunha oferta formativa modular, con dúas especialidades:
Para acceder calquera das especialidades é necesario facer unhas probas de acceso ata o 25 de xuño para aqueles alumnos que xa teñen a titulación de acceso e non precisan facer a proba de madurez. 


Do mesmo xeito, para inscribirse nas probas de acceso aos Ciclos Superiores das EEAAPP, o prazo de inscrición aínda non foi publicado, pero as probas adoitan ser cara finais de xuño, principios de xullo na EASD Mestre Mateo de Santiago de Compostela.
Para consultar información sobre requisitos de acceso, proceso das probas e descargar modelos de exames de convocatorias anteriores pode consultar:

jueves, 14 de junio de 2018

Admisión en Formación Profesional

O vindeiro 25 de xuño comeza o prazo de admisión a Formación Profesional de Grao Medio e Grao  Superior. No seguinte enlace poden consultar o calendario completo do proceso de admisión:

http://www.edu.xunta.es/fp/webfm_send/7645

Recordatorio de requisitos de acceso:

Para Ciclo Formativo de Grao Medio: Título de Graduado en ESO, superación de proba ou Título de Formación Profesional Básica.

Para Ciclo Formativo de Grao Superior: Título de Bacharelato, superación de proba ou Tictulo de Técnico en Grao Medio.

O proceso de admisión se cumplimentará via telémática nun enlace que estará activo coincidindo coa apertura do proceso de admisión. A páxina é a seguinte:

 http://www.edu.xunta.es/fp/admision-curso-2018-2019

Poden consultar todas as familias profesionais así como os ciclos que as compoñen e o centro onde se imparten no seguinte enlace:

http://www.edu.xunta.es/fp/folletos-informativos-fp


viernes, 8 de junio de 2018

Calendario Escolar

Publicado o calendario escolar para o curso 18/19. Podedes descargalo no seguinte enlace:


https://drive.google.com/file/d/1JAJPdSHzf1yPvyLDkyII_HbxtOpqn4LH/view?usp=sharing


Xornada de Portas Abertas na Facultade de Informática

O vindeiro luns 18 de Xuño, a partir das 12, na Facultade de Informática celébranse as primeiras  Xornadas de Portas Abertas para futuros estudiantes.¨Xa coa ABAU rematada é unha boa oportunidade para visitar o primeiro centro en Galiza que ofertou este tipo de estudos. Se queredes asistir tedes que formalizar a inscrición na seguinte ligazón:

https://www.eventbrite.es/e/entradas-xornada-de-portas-abertas-facultade-de-informatica-da-coruna-fic-46750388671

miércoles, 6 de junio de 2018

Convocatoria de achegas á escolarización do Concello de Oleiros.


Hoxe publicouse no BOP o extracto da convocatoria das axudas á escolarización que para o curso 2018/2019 fan dende a concellería de Servizos Sociais e Sanidade do Concello de Oleiros. Estas axudas están dirixidas a apoiar os gastos que hai  ao inicio do curso escolar daquelas familias que teñen unha situación económica mais desfavorecida.

Son compatibles coas convocadas recentemente pola Xunta de Galicia. As bases completas podedes atopalas na web do Concello de Oleiros, na concellería de Servizos Sociais e Sanidade, no apartado de publicacións.

No seguinte enlace podedes descargar a nota informativa: 

https://drive.google.com/file/d/0ByAVDF3T9WOZY3RvRUlWU09hY2I4emVTV2pFU2RQQUpEOUNB/view?usp=sharing


Xornadas de portas abertas na Escola de Enxeñería Industrial de Vigo.

O vindeiro 20 de Xuño, aqueles alumnos ou familias que estean interesados en coñecer con maior profundidade os estudos que se imparten na Escola de Enxeñería de Vigo así como as instalacións da Escola poden achegarse ás xornadas de Portas Abertas que comenzarán nas instalacións da escola as 10:15 no Salon de Actos.

http://venaindustriales.webs.uvigo.es/   

A MOTIVACIÓN DE SER CIENTÍFICO

No seguinte enlace poden descargar o libro "CIENCIA, y yo quiero ser científico!!!"

Este libro xurde da recopilación que Quintin Garrido fai das experiencias de diversos investigadores e científicos amigos para motivar á alumnado entre 14 e 18 anos a dedicarse á seres científicos.

http://cienciayyoquierosercientifico.blogspot.com/

lunes, 4 de junio de 2018

OS FUTUROS ALUMNOS, DE VISITA....






Hoxe recibimos ao alumnado de 6º de E.P.  así que antes de nada dende o IES Miraflores queremos darvos a BENVIDA e moitos parabens porque estades preto de comezar unha nova etapa nas vosas vidas.

O PASO Á ESO:
   
 A E.S.O. (Educación Secundaria Obrigatoria), é a etapa educativa que ven despois da Educación Primaria.

    Consta de catro cursos:

1º de ESO: cúrsase con 12 ou 13 anos
2º de ESO: cúrsase con 13 ou 14 anos
3º de ESO: cúrsase con 14 ou 15 anos
4º de ESO: cúrsase con 15 ou 16 anos

Imos ver os principais cambios da nova etapa: 

Na ESO o número de horas de clase será un pouco máis elevado que na Primaria: 32 sesións na semana: cada unha de 50 minutos. Terás que vir unha tarde. Se te apetece, ese día, poderás quedarte a comer e disfrutar das actividades que organiza a Asociación de Nais e Pais Miguel Hernández.   

Terás materias moi parecidas as que cursaches ata agora e tamén algunha nova:    
      
*Lingua Galega e Literatura : 4 horas
*Lingua Castela e Literatura: 4 horas
*Primeira Lingua Estranxeira: 3 horas        
*Matemáticas: 5 horas                    
*Bioloxía e Xeoloxía: 4 horas              
*Xeografía e Historia: 3 horas
*Educación Física: 2 horas
*Educación Plástica e Visual : 2 horas
*Segunda Lingua Extranxeira: 2 horas
*Relixión/Valores Éticos: 1 hora
*Matería libre configuración do centro: 1 hora.                                 

Coma na Educación Primaria terás un tit@r que impartirá unha das materias. A diferencia será que terás unha hora directa de titoría para avaliar a túa marcha académica, solventar problemas ou disfrutar de obradoiros sobre valores e prevención.

O curso no instituto remata en setembro. Hai que aprobar todas as materias. Se en xuño non o fixeches terás que vir os primeiros días de setembro e examinarte. Te entregarán unhas novas notas. Se tes todo aprobado pasarás a 2º da ESO. Con 1 ou 2 materias poderás pasar tamén a 2º sempre que non sexan simultáneamente: 


  • Matemáticas con Lingua Galega
  • Matemáticas con Lingua Castelá
Terás que comenzar a tomar, coa axuda dos teus pais, as primeiras decisións. No paso a 1º da ESO e a 2º son decisións sinxelas pero a partir de 3º curso esas decisións van a condicionar o teu futuro. Imos ver que decisións terás que tomar neste momento: 

1ª. Escoller "Francés" ou "Inglés" como Primeira L.E. Para esta decisión terás que ter en conta que non poderás cambiar durante toda a ESO. Só alguns alumnos/as poderán recibir "Reforzo Educativo", se o seu Equipo Educativo así o estima convinte e sempre que haxa motivos xustificados.   

2ª.Escoller unha materia de libre configuración do centro. Para tomar esta decisión deberás de ter en conta que a que curses en 1º da ESO non a poderás cursar en 2º. As materias que oferta o centro son: Oratoria, Programación, Promoción de hábitos de vida saúdables e Obradoiro de Música.

3ª. Escoller "Relixión" ou "Valores éticos". Esta decisión si se pode cambiar anualmente. 


Algunhas cuestións prácticas: 


  • De luns a venres, entrarás en clase ás 8:30 e salirás ás 14:20 con dous recreos de 20 minutos. o día que teñas clase de tarde (luns ou martes) o horario será de 16:20 a 18:00. 
  • O primeiro día, terás unha presentación co tit@r , quen te facilitará o horario onde aparecerán as aulas e os profes. Aquí movémonos cada 50 minutos de aula. Parece un pouco complicado pero axiña estarás adaptado. Só tes que organizarte coa axuda da taquilla. Non te preocupes polo reloxo, temos unha alarma moi potente que indica o cambio de clase. Nos periodos de lecer soará un par de veces: unha, cinco minutos antes de que comece a clase para que te vaias preparando e otra xusto para que entres na clase. 
  • Nos recreos podes xogar no patio, ir á biblioteca e ao clube de lectura ou pasarte pola cafetería. 
  • Cada curso terás que renovar a túa matrícula na Secretaría do centro. 

Aspectos importantes para ter éxito: 
  
  • Cada profesor/a terá o seu su método de traballo e os primeiros días te facilitarán os criterios de calificación para superar a materia. 
  • Non só contan os exámes, deberás amosar un bo comportamento; estudar e facer as tarefas diariamente; manter as libretas ou arquivadores ao día. 

A continuación disfrutaremos do tempo de lecer e verémonos ás 10:30 diante da porta do Salón de Usos Múltiples para comezar a visita ás instalacións do centro. 

Disfrutade moito!! 



miércoles, 30 de mayo de 2018

Residencias Universitarias en Galicia


Recordade que para os que sexades futuros estudande da Universidade de Santiago de Compostela en calquera dous seus campus (Santiago ou Lugo), tedes aberto ata o 29 de xuño o prazo de solicitude de aloxamento na rede de residencias universitarias. Podedes consultar as bases no seguinte enlace: 

CONVOCATORIA RESIDENCIAS UNIVERSIDADE DE SANTIAGO

Os futuros estudantes da Universidade de Vigo poden informarse sobre alternativas nos campus de Vigo, Pontevedra ou Ourense no seguinte enlace:

UNIVERSIDADE DE VIGO

jueves, 17 de mayo de 2018

O paso a 4º da ESO






Chegaches a 4º da ESO, un curso importante e decisivo para o teu futuro. Estás a piques de obter o Título de Graduado e chegou o momento de tomar decisións que condicionarán o teu futuro.

O primeiro que temos que facer nesta sesión é recordar os criterios de promoción para pasar a 4º. Como NORMA XERAL podedes ter ata dúas materias avaliadas negativamente  tras a convocatoria de setembro, ahora ben, as materias suspensas non poderían ser simultáneamente: 

- Matemáticas e Lingua Galega e Literatura.
- Matemáticas e Lingua Castelá e Literatura

Se tes materias pendentes doutros cursos deberás de contabilizalas. 

Se xa repetiches 3º pero non estás en condicións de promocionar, pasarás a 4º igualmente por "imperativo legal". Está situación non é ideal polo que podes barallar outras alternativas como a incorporación a unha ensinanza de tipo profesional (Formación Profesional Básica). Podes obter máis información sobre isto no seguinte enlace ou pasarte polo Departamento de Orientación:   


Os que finalmente pasades a 4º teredes que tomar unha decisión importante: Elexir que tipo de 4º vas realizar "Ensinanzas Académicas ou Ensinanzas Aplicadas"

Esta decisión é moi importante xa que pode condicionar a preparación que vaias a ter  para o teu futuro.   

A) Ensinanzas Académicas: Trátase dun curso orientado á realización posterior dun Bacharelato nas diferentes modalidades. 

B) Ensinanzas Aplicadas: Este curso está orientado ao alumnado que ten pensado cursar con posterioridade Formación Profesional (Ciclo Formativo de Grao Medio). 

Se te inclinas pola opción de Formación profesional podes informarte de todas as familias profesionais e os ciclos que as integran no seguinte elace: 


Verás que hai ciclos moi atractivos e que na actualidade é posible pasar do Grao Medio ao Grao Superior sen facer ningunha proba ou sen cursar o bacharelato. Dende un ciclo de Grao Superior, é posible pasar á Universidade a cursar estudos de Grao. 


Se a túa preferencia é cursar bacharelato, entón deberás de ir coñecendo as súas modalidades.

As que temos no IES Miraflores son "Humanidades e Ciencias Sociais" e "Ciencias". Hai otra modalidade, a de Artes, que podes atopar en centros especializados como o IES Adormideras de A Coruña.

Se a túa preferencia é cursar o Bacharelato de Artes será importante que escollas en 4º da ESO a materia de Educación Plástica e Visual e no mes de marzo de 2019 fagas a preincripción nun dos centros que imparten dita modalidade.  

Imos adentrarnos en 4º da ESO, tendo en conta a oferta do IES Miraflores.  

Todos cursaredes as seguintes MATERIAS COMÚNS TRONCAIS independientemente da modalidade do 4º que queirades cursar: 

  • Xeografía e Historia 
  • Lingua Castelá e Literatura
  • Lingua Galega e Literatura 
  • Educación Física
  • 1ª Lingua Ext (Inglés ou francés)

A este bloque común de materias troncais temos que engadirlle as Matemáticas que serán diferentes en función de se vas no 4º de Aplicadas ou no 4º de Académicas. Podes consultar co teu profesor/a de Matemáticas as diferencias a nivel de contidos). 

Agora tes que tratar de definir que tipo de Bacharelato está máis relacionado coas túas preferencias profesionais e académicas. No seguinte enlace imos facer algunhas prácticas relacionando asignaturas e estudos na universidade. De momento só tes que valorar que a materia pondere para os estudos que queres realizar e se aparece un "0.2" moitísimo mellor. 

En consecuencia, se pensas que a túa opción vai a ser cursar un bacharelato de Humanidades e Ciencias Sociais deberás escolle en 4º: 

  • Latín
  • Economía
Pola contra, se o teu son as Ciencias, terás que escoller o bloque que engloba: 
  • Bioloxía-Xeoloxía
  • Física e Química 

Se decides ir pola via de Aplicadas deberás de escoller dúas materias entre as tres que te presentamos a continuación: 
  • C.aplicadas a actividade profesional
  • Iniciación actividade emprendedora
  • Tecnoloxía
Pero tamén haberá materias ESPECÍFICAS para completar o teu curriculum. Vexamos esas materias na folla de prematrícula:

Aspectos que deberás de ter en conta:  
  • A materia que escolleras como primeira lingua estranxeira non se poderá cambiar ata que remates a ESO. 
  • Podes elexir o cambio entre Relixión e Valores Éticos.
  • É impensable non cursar, por exemplo, Física e Química porque "non se me da ben" e despoís querer cursar un Bacharelato de Ciencias porque quero "ser médico". Como vimos antes, o sistema de acceso á Universidade vincula as materias que cursarás no teu centro a cada grao universitario. 
  • Hay materias que poden resultar interdisciplinares como as TIC (Tecnoloxías da información e a comunicación) ou o francés xa que a aprendizaxe de varias linguas estranxeiras pode axudarte a atopar un traballo con maior facilidade.
Recorda que podes utilizar o ORIENTAMIRAFLORES para ir profundizando nos teus intereses académico-profesionais ou informarte dos diferentes estudos que se imparten en todo o territorio español. Anímate a entrar!!



O paso a 2º da ESO

Seguro que tedes a sensación de que acabades de aterrizar no instituto e xa está a rematar o curso. En nada deixaredes de ser os "pequenos" do centro.

Recordade que este ano se non aprobades todo en xuño, tedes a oportunidade de recuperar as materias na convocatoria extraordinaria do mes de setembro. A finais de xuño ou principios de xullo xa teredes o calendario coas datas e os horarios dos exames nos taboleiros do centro ou na páxina web.

Pasados esos exames teredes que recoller as cualificacións. Ainda que xa o falamos nalgunha sesión,  aproveito para recordarvos que como NORMA XERAL:
  • Pasaredes a 2º da ESO con todo aprobado, con 1 ou 2 materias avaliadas negativamente que non sexan simultáneamente Lingua Galega ou Lingua Castelán con Matemáticas. 
  • Se vos queda algunha materia pendente de recuperar, teredes que facelo o próximo curso. Os xefes dos distintos departamentos didácticos vos facilitarán as pautas para recuperar. Tamén podedes atopar toda a información nos taboleiros informativos.

Como ocurría en 1º da ESO, teredes varios tipos de materias. A partir de agora é importante que comeces a familiarizarte coa súa denominación.

MATERIAS XERAIS TRONCAIS: 
  • Lengua Castellana y Literatura.
  • Primeira Lingua Estranxeira (Inglés ou Francés, a que cursachedes en 1º da ESO como 1ª opción). 
  • Xeografía e Historia. 
  • Física e Química.
  • Matemáticas. 
A túa formación completarase cunha MATERIA DE LIBRE CONFIGURACIÓN AUTONÓMICA: 
  • Lingua Galega e Literatura
Ademáis teredes que cursar MATERIAS ESPECÍFICAS
  • Educación Física. 
  • Música
  • Tecnoloxía
  • Segunda Lingua Estranxeira ou Reforzo Educativo
  • Escoller unha entre: Relixión ou Valores Éticos
Algunas observacións importantes sobre: 
  • Segunda Lingua Extranxeira ou Reforzo. Esta opción non a escolledes vós. É obligatorio cursar a materia de 2º LE; só nalgúns casos o Equipo de Profes e o Departamento de Orientación poden propoñervos solicitar unha exención e, en consecuencia, cursar Reforzo Educativo.
  • Relixión/Valores Éticos. Recordade que podedes cursar unha opción diferente a que escollestes neste curso. 
MATERIAS OPTATIVAS:
  • Programación
  • Promoción de Estilos de Vida Saúdable
  • Oratoria

Deberás de escoller unha das que non cursaras en 1º. 

Tamén teredes unha hora de atención directa co titor/a: TITORÍA. 


Nos días seguintes a entrega dos boletíns de cualificacións (xuño ou setembro) deberedes de formalizar a vosa matrícula. Xunto coas notas, o voso titor/a te entregará o sobre para que poidas acudir á Secretaría do centro con toda a documentación necesaria.

En todo caso durante estos días cubriremos unha PREMATRÍCULA que podes ver no seguinte enlace:

https://drive.google.com/file/d/0ByAVDF3T9WOZOHM4M1ZPQlIyYnNUNXhJU0I4WGlRRkc4a19B/view?usp=sharing

Aproveitemos a sesión para coñecer o ORIENTAMIRAFLORES un programa onde poderás informarte de todos os estudos en todo o territorio español así como realizar cuestionarios que te axuden a coñecerte e a tomar decisións no futuro.

ORIENTAMIRAFLORES


O paso a 3º da ESO

O primeiro que temos que ter claro é que o curso remata no mes de setembro cos exames extraordinarios así que, se neste momento, as previsións non son todo o boas que esperabas, non te desanimes, queda o verán para traballar sobre eses aspectos que debes mellorar para pasar a 3º en boas condicións.

Como norma xeral poderás promocionar a 3º da ESO con dúas materias avaliadas negativamente que non sexan simultáneamente Lingua Galega ou Lingua Castelá con Matemáticas. É importante que non levedes materias pendentes xa que a dificultade dos cursos vai aumentando.

Cursaredes as seguintes MATERIAS XERAIS TRONCAIS: 
  • Lengua Castellana y Literatura.
  • Primeira Lingua Estranxeira (Inglés ou Francés, a que cursachedes en 1º e 2º como primeira opción). 
  • Xeografía e Historia. 
  • Bioloxía e Xeoloxía.
  • Física e Química.
  • Matemáticas. Podedes escoller entre:  
    • Matemáticas orientadas ás Ensinanzas Académicas 
    • Matemáticas orientadas ás Ensinanzas Aplicadas 
Esto é así porque haberá dous tipos de 4º da ESO: un vinculado as Ensinanzas Académicas ou para iniciación ao Bacharelato e outro, de  Ensinanzas Aplicadas ou para a iniciación á Formación Profesional. Ainda que non hai en 3º unha vinculación directa, e dicir, podes escoller as Aplicadas e en 4º cursar  as Académicas ou viceversa, facer ísto non é o máis adecuado; é importante que empecedes a definir ben o voso futuro. 

Ademáis teredes que cursar MATERIAS ESPECÍFICAS
  • Educación Física. 
  • Educación Plástica e Visual. 
  • Música
  • Tecnoloxía
  • Escoller unha entre: Segunda Lingua Estranxeira ou Cultura Clásica. 
  • Escoller unha entre: Relixión ou Valores Éticos

A túa formación completarase cunha MATERIA DE LIBRE CONFIGURACIÓN AUTONÓMICA: 
  • Lingua Galega e Literatura
Tamén teredes unha hora de atención directa co titor/a: TITORÍA. 

A carga horaria será a seguinte: 
  • Materias de 4 sesións: Matemáticas. 
  • Materias de 3 sesións: Lingua Galega, Lingua Castelá, Lingua Ext, Xeografía e Historia
  • Materias de 2 sesións: Bio/Xeo, Fis/Quim, Educación Plástica e Visual, Tecnoloxía, Materia Optativa, Educación Física e Música. 
  • Materias de 1 sesión: Relixión ou Valores Éticos e Titoría. 


ASPECTOS A TER EN CONTA CANDO FORMALICES A MATRÍCULA

Na folla de matrícula atoparedes 2 materias optativas das que teredes que escoller 1. As opcións son: 
  • 2ª Lingua Extranxeira (Francés ou Inglés).
  • Cultura Clásica 
Tamén terás que tomar outra decisión moi importante o tipo de matemáticas que desexas cursar.

Estes días cubriremos unha PREMATRÍCULA onde terás que manifestar xa as túas preferencias se vas a estar matriculado no curso 2018/19 no IES Miraflores. Podes ver o documento no seguinte enlace:

https://drive.google.com/file/d/0ByAVDF3T9WOZSWduV2NneEVvYlJDcWlHQkYyNEdISFpiVlEw/view?usp=sharing





OUTRAS ALTERNATIVAS: 

Se xa repetiches 2º ou te foi mal e consideras que poderías ter máis éxito nuns estudios de tipo profesional, podes ir a cursar Formación Profesional Básica.  Se desexas informarte máis sobre esta vía podes facelo no seguinte enlace: 


Xa sabedes que podedes consultar as dúbidas no Departamento de Orientación ou enviando un comentario neste enlace. 

Animo que está rematando o curso, xa estades un pouco máis preto de obter o Título de Graduado.

Recorda que ainda que TI eres o protagonista das túas decisións  podes utilizar o ORIENTAMIRAFLORES para realizar cuestionarios que te axuden a coñecerte e a definir os ámbitos laborais que te interesan máis. Imos probar como funciona:

 ORIENTAMIRAFLORES

Sesión informativa para o alumnado de 1º de Bacharelato


Estás a piques de rematar 1º de Bacharelato así que é importante que repasemos algunhas cuestións


A promoción a 2º 
  • Se superas todas as materias ou obtés avaliación negativa en unha ou dúas promocionarás a 2º curso. Recorda que o curso remata en setembro. Como ocorría na ESO, terás exames extraordinarios nos primeiros días de setembro. 
  • Cando obteñas avaliación negativa en máis de dúas materias deberás cursar de novo o curso completo.




Estructura de 2º curso: 

Ao igual que en 1º de Bacharelato atoparás diferentes tipos de materias: xerais, troncais, específicas, de libre configuración... En definitiva, con independencia da modalidade  teredes que cursar obrigatoriamente:  

 Lingua Galega e Literatura
 Lingua Castelá e literatura
 Lingua Extranxeira 
 Historia de España.

 Imos utilizar agora a folla de prematrícula para ver como completamos o voso curriculum. 

DESCARGA FOLLA PREMATRÍCULA

A imaxe que vos presento a continuación representa as alternativas para os que cursades a MODALIDADE DE HUMANIDADES E CC. SOCIAIS: 




Como podedes observar se introduce unha novidade respecto do curso actual: a Historia da Filosofía vai a ser unha materia troncal obligatoria para calquera alumno que estude Humanidades ou Ciencias Sociais.  


Para os de CIENCIAS estas son al alternativas: 





Consellos para a elección de materias de modalidade.

  • Revisa os parámetros de ponderación de cada materia en función dos estudos superiores que teñas pensado cursar. Interesa escoller materias que ponderen con 0.2. Terás mais oportunidades de obter maior cualificación na FASE ESPECIFICA da ABAU (fase que te permitirá elevar a nota de admisión á Universidade). http://ciug.gal/PDF/novataboapond18.pdf
  • A consulta da oferta de prazas e as notas de corte poden ser unha información máis para decidir que estudos superiores vas a realizar. Como podes observar no enlace se a nota de corte aparece no apartado de "XUÑO", debes de interpretar que as prazas esgotáronse e que non quedan opcións nese grao para a convocatoria de setembro. http://ciug.gal/PDF/notas1718.pdf
  • Recorda que hai materias de continuidade. Se non a elexiches en 1º, non poderás escollela en 2º: 
Debuxo Técnico I //Debuxo Técnico II 
Latín I// Latín II 
Grego I// Grego II 
Análise Musical I// Análise Musical II
Segunda Lingua Estranxeira I// Segunda Lingua Estranxeira II
Tecnoloxía Industrial I //Tecnoloxía Industrial II
TIC I //TICII
Física e Química //Física/Química
Bioloxía e Xeoloxía //Bioloxía/Xeoloxía
  • Se a túa idea e estudar fora do sistema universitario galego podes consultar diferentes buscadores de Universidades para facerte unha idea da nota de corte aproximada que se pide. Algúns podense atopar no seguinte enlace:   BUSCADORES UNIVERSIDADES pero a opción principal e que consultes o ORIENTAMIRAFLORES. Este programa de orientación pode axudarte a no proceso de coñecerte mellor e de ofrecerte posibles vias para continuar os teus estudos. Non pode tomar decisións por ti pero pode axudar moito. 

Consellos para concretar o paso de 1º a 2º de BACHARELATO

Se xa repetiches 1º de BACHARELATO e non te foi demasiado ben, estás a tempo (finais de xuño e primeiros de xullo) para realizar unha solicitar plaza nun ciclos formativosde grao medio. Podes solicitar información no Departamento de Orientación ou consutar os ciclos de todas as familias profesionais no seguinte enlace OFERTA CICLOS

Recorda que podes permanecer catro cursos no Bacharelato por réximen ordinario pero si tes ganas de seguir intentando tes a oferta de adultos nas diferentes modalidades presencial, semipresencial na EPA Eduardo Pondal  e a distancia no IES San Clemente

Ao finalizar 2º de BACHARELATO, unha vez superadas todas as materias obterás o Titulo de Bachiller que da opción a dúas vías académicas: 

1-FORMACIÓN PROFESIONAL. Ciclo Formativo de Grao Superior.

Tes un montón de ciclos formativos que te poden interesar. No seguinte enlace podes consultar toda a oferta formativa clasificada por Familia profesional. OFERTA CICLOS
Logo de rematar o ciclo obtés o Titulo de "Técnico Superior" que te habilita para traballar con un bó nivel de recoñecemento profesional ou para seguir estudando.  

Recorda que os ciclos de Grao Superior están vinculados a determinadas modalidades de Bacharelato. Por exemplo, se queres cursar o Ciclo de Técnico Superior en Educación Infantil, "preferentemente" deberías de estar cursando un Bacharelato de Humanidades e Ciencias Sociais. Cando a demanda de prazas é moi superior á oferta, podes atoparte con que haxa unha "materia preferente" que tes que ter cursada para garantir o acceso ao ciclo (sempre no caso de maior demanda que oferta). Se tes claro que ciclo queres cursar deberías de ter elexido de cara a 2º de Bach a materia que poida ter vinculación a ese ciclo. 

O Título de Técnico de  Grao Superior da dereito a acceder á Universidade sen necesidade de superar as probas de acceso e que incluso podes obter convalidacións de créditos. 

Na actualidade existen moitas modalidades de cursar Formación Profesional (presencial, a distancia, réxime ordinario, adultos, ...). Podes informarte de todas esas opcións no seguinte enlace: 


2- A UNIVERSIDADE, tras superar a proba de acceso. Repasemos a estructura da Selectividade para poder entender como elexir as materias:  

fase xeral da proba constará de cinco exercicios:
  • Lingua Castelá e literatura.
  • Lingua Galega e Literatura.
  • Historia de España 
  • Lingua estranxeira.
  • Materia troncal obligatoria da túa modalidade.
Á fase específica da proba, ainda que ten carácter voluntario, deberías de presentarte se pretendes acceder a calquera estudo universitario con limitación de prazas. Nela o alumnado poderá examinarse dun máximo de catro materias que deberán ser distintas da materia de modalidade da que te examinas na Fase Xeral.

Pero todo isto verémolo con maior detalle cando xa esteas cursando 2º. En todo caso no seguinte enlace podes descargar o caderniño sobre as ABAU 18

https://docs.google.com/document/d/14YUpS0SQOhNLXrM5o7cqrtDz38_IkxlGwpqbv_2HYU0/edit?usp=sharing

miércoles, 16 de mayo de 2018

Convocados premios extraordinarios da ESO


Poderá optar aos premios extraordinarios de educación secundaria obrigatoria ao rendemento académico o alumnado que reúna os seguintes requisitos antes do día no que finaliza a convocatoria, 6 de xullo:

1. Ter cursado durante o ano académico 2017/18 cuarto curso de educación secundaria obrigatoria.

2. Estar proposto polo equipo docente para a expedición do título de graduado en educación secundaria.

3. Ter obtido no conxunto dos catro cursos de educación secundaria obrigatoria unha nota media igual ou superior a 9,00 puntos.

As solicitudes poderán presentarse durante un mes. Entre o 7 de xuño e o 6 de xullo de 2018.

Para optar ao premio é necesario presentarse a unha proba que se celebrará o día 6 de setembro e que consta de dúas partes: 

1. Cuestións referidas ás seguintes materias de cuarto curso: Lingua Galega e Literatura, Lingua Castelá e Literatura, e Primeira Lingua Estranxeira.

2. Cuestións teóricas e/ou prácticas, de tres materias do currículo de cuarto curso: Xeografía e Historia. Unha materia xeral do bloque de materias troncais cursada polo alumnado: Matematicas Orientadas ás Ensinanzas Académicas ou Matemáticas Orientadas ás Ensinanzas Aplicadas. Unha materia a escoller de entre as materias de opción do bloque de materias troncais cursada polo alumnado: Bioloxía e Xeoloxía, Economía, Física e Química, Latín, Ciencias Aplicadas á Actividade Profesional, Iniciación á Actividade Emprendedora e Empresarial, ou Tecnoloxía.

Se estás animados podes atopar máis información no seguinte enlace:

CONVOCATORIA

Poderanse conceder ata un máximo de 20 premios. dotados con 750 € cada un así como un diploma acreditativo.

RESUMO DO PROTOCOLO DE PREVENCIÓN, DETECCIÓN E INTERVENCIÓN DO RISCO SUICIDA NO ÁMBITO EDUCATIVO.


A continuación presento un resumo da información máis salientable incluída no Protocolo para a abordaxe do risco suicida publicado pola Consellería de Educación.

Factores de risco: Coñecer os factores de risco permitiranos estar en disposición de detectalos e actuar en consecuencia.
A.Individuais:

Como profes debemos observar con seriedade calquera cambio repentino que afecte ao rendemento escolar, á asistencia ao centro escolar ou ao comportamento do alumnado, ademais dos seguintes trazos:
‣ Antecedentes/presenza de trastornos mentais.
‣ Intentos previos de suicidio.
‣ Desesperanza e sufrimento psíquico.
‣ Presenza de ideación suicida.
‣ Enfermidade física, cronicidade, dor ou discapacidade.
‣ Historia de maltrato físico e/ou abuso sexual.
‣ Dificultades na identidade ou orientación sexual.
‣ Acoso escolar.
‣ Perda de figuras significativas.
‣ Fácil acceso a medicamentos, tóxicos ou armas.
‣ Descenso xeneralizado nas avaliacións, no esforzo e no interese.
‣ Condutas disruptivas e problemas significativos de relación.
‣ Ausencias ao centro inexplicables, repetidas e sen permiso.
‣ Consumo excesivo de tabaco, alcol ou doutras substancias.
‣ Cambios no comportamento na casa e/ou na escola, variación nos hábitos alimenticios, cambios nos hábitos de soño, cambio de carácter e ánimo.
‣ Trastornos de control de impulsos, rixidez mental, baixa tolerancia á frustración e trazos moi manipuladores.

B. Familiares e contextuais:

‣ Historia familiar de suicidio ou no contorno
‣ Ausencia de apoio sociofamiliar.
‣ Presenza de enfermidade mental nos proxenitores.
‣ Clima emocional caótico na familia.
‣ Dificultades socioeconómicas graves.

Podemos considerar que nos atopamos diante dunha situación de risco cando:

‣ Se teña constancia de comportamentos autolíticos no pasado.
‣ Se observen no curso actual factores de risco relevantes e soporte inadecuado de factores protectores.
‣ A familia comunique ao centro a súa propia percepción de que existe risco.
‣ As persoas do contorno próximo ao/á alumno/a comuniquen a súa percepción da existencia de risco ao/á docente titor/a, amigos/as.
‣ Cando os servizos de saúde mental ou servizos sociais informen ao/á orientador/a, director/a do centro ou ao Equipo de Orientación Específico dunha situación de risco.

Os grupos de alto ou maior risco para ter pensamentos e plans de suicidio son os seguintes:

‣ Alumnos/as que realizaron un intento de suicidio previo.
‣ Persoas con trastorno psiquiátrico (depresión, abuso de sustancias…).
‣ Alumnos/as que perderon a un ser querido por suicidio (supervivente dun suicidio).

Entre os sinais de alarma podemos citar:

‣ Condutas que indican que a persoa está pensando ou planificando un suicidio ou obsesionada pola morte: falar ou escribir sobre o desexo de morrer, sentimentos de desesperanza, querer desaparecer, carta de despedida, sentirse atrapado, sufrir unha dor insoportable, ser unha carga para seres queridos, buscar métodos de suicidio a través de internet, etc.

‣ Cambios máis directos na conduta que poden significar que a persoa está experimentando problemas de saúde mental, que poden asociarse a pensamentos e plans suicidas: perda de contacto coa familia e coas amizades; baixada brusca de rendemento escolar; incremento de consumo de substancias; cambios de carácter e ánimo; cambios de hábitos de soño ou alimentación; amosar ira, angustia ou falar da necesidade de vingarse.

Cantos máis factores de risco concorran nunha persoa, maior será a probabilidade de que a persoa presente unha conduta suicida.

Actuación do profesorado titor respecto do alumnado en risco:

  • Recibir e xestionar as comunicacións do profesorado sobre calquera incidencia ou observación que se considere relevante relacionada co benestar e factores de risco do alumnado. Comunicar incidencias ao Departamento de Orientación, Dirección do Centro,..
  • Fortalecer a autoestima dos estudantes, utilizando estratexias como o reforzo positivo, atención individualizada e salientando as súas capacidades.
  • Prestar unha especial atención e apoio específico aos estudantes máis vulnerables.
  • Procurar que o alumnado sobre o que estamos advertidos de que está en situación de risco non estea só durante a súa estancia no centro.
Se queredes ampliar a información podedes descargar o protocolo no seguinte enlace: 

martes, 15 de mayo de 2018

Internet seguro. Servizo do INCIBE (Instituto Nacional de Ciberseguridade de España)

Tedes dispoñible unha liña gratuíta e confidencial para axudar a menores que poidan estar sofrindo problemas relacionados coa tecnoloxía (dependencia, ciberacoso, sexting, ...) ou teñan dudas en relación a calquera destes aspectos. O teléfono é o

                      900 116 117

Tamén pode servir para pais/nais ou educadores en relación a virus, contidos inapropiados, privacidade, identidade, etc.

Máis información:

http://www.minetad.gob.es/gl-es/gabineteprensa/notasprensa/2017/Paginas/incibe-telef-menores20170908.aspx

HORARIO ABAU 2018. Para que te vaias organizando.


Tamén deixo enlace a calendario con datas que poden ser de interes como publicación de calificacións ou prazos de reclamacións.

http://ciug.gal/PDF/calendario18.pdf

lunes, 14 de mayo de 2018

Ayudemos a Yago Cabrera a conseguir su objetivo....


Yago Cabrera es un alumno del IES Miraflores que en la actualidad cursa 1º de Bachillerato. Está embarcado e un proyecto muy chulo "España Rumbo al Sur". En las siguientes lineas nos explica que pretende conseguir y cómo podemos ayudarle. 

"""España Rumbo al Sur es un programa pionero, único en el mundo, orientado a chicos y chicas de entre 15 y 18 años de todas partes del país que tengan ganas de descubrir nuevas realidades y hacer del mundo un lugar mejor. En él, los participantes son enviados a diferentes lugares del territorio africano (este año el país elegido es Uganda), donde participan en actividades de voluntariadoeducación o deporte, todo ello de una forma práctica y apasionante. Esta es la XIII edición del programa, que dirige, como en todas las anteriores, el aventurero Telmo Aldaz de la Quadra-Salcedo, en busca de una juventud concienciada y solidaria.

La pregunta es, ¿cómo consiguen los participantes formar parte de la expedición? ¿Será una selección? ¿Habrá que hacer pruebas? Pues en verdad no. En el apartado de educación entra la autofinanciación. Los jóvenes deben financiarse el viaje ellos mismos, para valorar el esfuerzo que implica conseguir el viaje sin ayuda de papá y mamá, tan solo con su tiempo, dedicación y constancia. Todo el mundo que sea capaz de ello (con pautas y pasos a seguir establecidos por el programa) tendrá un hueco en la expedición.

El precio del viaje son 1500€, una cifra aparentemente inalcanzable, pero rápidamente el dinero sube con la colaboración de gente generosa, con ganas de ayudar no sólo al expedicionario, sino también a Uganda, en parte. Cualquier donativo, independientemente de la cantidad, es genialmente recibido. Para ello, tengo una cuenta de Paypal operativa. Para acceder y donar a ella tan solo hay que introducir mi correo electrónico, yagocabreraa@gmail.com, donde también doy información sobre mi cuenta bancaria en el caso de un posible ingreso. 

Por otra parte, también realizo una venta de rifas para todos los bolsillos (más información del sorteo en www.espanarumboalsur.com). En caso de decantarse por esa opción, tan solo basta con contactarme en el IES y ahí estaré, con una rifa en la mano, dispuesto a venderla.

Con ayuda y cooperación conseguiré lograr mi objetivo. ¡Conseguiré ir Rumbo al Sur, Rumbo a Uganda!"""

miércoles, 9 de mayo de 2018

Ciclo Superior de Eficiencia Enerxética. Enerxía Solar

Moitos expertos indican que durante estes anos se dará un gran salto cara á maior utilización da enerxía solar e renovable en España. Esta é a tendencia en moitos países do mundo onde as innovacións no consumo e no almacenamento da enerxía solar son cada vez maíores e ofrecen mellores resultados. Un exemplo dos cambios  máis representativos que se están a producir pode ser a integración dos paneles solares nos tellados das casas. Por todo isto podemos considerar que formarse en enerxias renovables e solares pode converterse nunha boa oportunidade para insertarse con facilidade no ámbito laboral. 
Seguro que xa o sabedes pero no IES Universidade Laboral tedes a portunidade de formaros neses campo e de obter unha titulación de "Técnico Superior" nese campo. 
Se alguen está interesado, pode achegarse ata alí para informarse. No seguinte enlace pode informarte un pouco máis: 
https://drive.google.com/file/d/0ByAVDF3T9WOZTmM5dmJSS0tXQTV6VFFaeXJVZzl4OFF3dDZF/view?usp=sharing